رسانه‌های ایتالیایی گفته‌اند که دیروز دوشنبه یک شهروند تاجیکستانی به اتهام ارتباط با داعشی‌های خوارج در روم، پایتخت این کشور بازداشت شده است.
پولیس می‌گوید؛ این فرد از هلند آمده و به محض فرود در میدان هوایی بین‌المللی روم دستگیر شده است. بر اساس بیانیه مطبوعاتی پولیس، فرد مذکور در سال ۲۰۱۴ در سوریه به داعش پیوسته بود و مدارک تابعیت برخی کشورها از جمله ازبکستان، قرقیزستان و اوکراین را جعل کرده بود.
پولیس تنها دو حرف (S.l) را از نام فرد دستگیر شده رسانه‌ای نموده‌اند. این شهروند تاجیکسانی در حالی دستگیر می‌شود که استفاده خوارج از شهروندان تاجیکستان در سال‌های اخیر به اوج خود رسیده است.
پس از حمله اخیر به تالار کروکوس در روسیه، ترکیه نیز برای جلوگیری از آسیب‌های احتمالی از تهدیدهای متوجه از سوی تاجیکستان، معافیت ویزا برای شهروندان تاجیکستانی را لغو اعلان نمود.